Episode 4

full
Published on:

12th Jan 2021

Juoigan – sámi árbevierru - Mai Britt Utsi

Mai-Britt Utsi lea luohtečeahppi. Son liiko rohttestit luođi, ja son lea čeahppi čilget juoigama guovddáš saji sámi kultuvrras. Son lea gárvvisteamen stuorát dutkamuša Várjjat-guovllu luđiid birra, erenoamážit dan rikkis dajahus-árbevieru mii doppe leamaš, man gohčodit javzemin. Das lea loahppariibma ja somás persovdnagovvideamit, nugo gulat Mai-Britt čilgemin dán podcastas.

Listen for free

Show artwork for Sáhkavuorru

About the Podcast

Sáhkavuorru
Science from Sápmi
Sámi allaskuvla podcasta Sáhkavuorru mas beasat oahpásmuvvat dutkamii ja dutkanfáttáide guoimmuhan vugiin. Podcasta prográmmajođiheaddjit leaba girjjálašvuođa professor Harald Gaski ja filbmadahkki Per Josef Idivuoma.
Podcastas leat 2 áigodaga, ja oktiibuot 10 episoda ja juohke episodas beasat oahpásmuvvat Sámi allaskuvlla dutkiide ja dutkanfáttáide. Sii čilgejit álkkes vuogi mielde iežaset dutkanprošeavttaid birra, seammás go muitalit manin sii beroštišgohte juste daid áššiid guorahallat mii šattai sin karriearan.
Ulbmil podcasttain lea gaskkustit dutkama ja dutkiid fágalaš sisdoalu guoimmuheami bokte. Seammás garvit dutkiid árbevirolaš ovdanbuktinvuogi – logaldallama.
Prográmmaráiddus ilbmá ođđa Podcast juohke goalmmát vahku gitta ođđajagi rádjái. Fáttát maid birra ságastallet leat sámi báikenamat, juoigan, duodji ja álgoálbmotjournalistihkka. Ja dieđusge juovllaid áigge ságat sámi biepmuid birra, ja manin dat leat nu dearvvaslaččat.